Cha’aye ye qaiuen qaỹo’onataxana na naxaỹaxacpi na pa’iguelo qataq ỹataqchigui na ỹachaxan qataq ỹaỹataxareta na huañalo nañaq qancotatapiguilo ldaqa’ate na qompi souaxato’ nam ne’etaxat, na ‘alhua, pa’gañe na ‘alhua, na la’at qataq ra saqairen re’era achalataxac. Cara’ac ra nllañi re’era qano’orasheguem qataq qaivitapeguet ra qana’axat ram saqairenapec chegoxoua’alo naua no’onataxanaxaqui’ qataq nam huataxanaqpi. Ỹacona ra na naxaỹaxacpi chegaqaigui na qompi ne’ena Argentina.

Ca nro ca ltaxaỹaxaqui ra ỹasaxasheguem ca naxaỹaxac ‘eeta’:

Auasaxasheguem ca lqui’i, qataq anqatec que’eca huaña ca qancotatapigui, qataq anasaxauec ca le’enaxac cam hueta’a que’eca huaña yaqto’ ỹataqaalec ca naxaỹaxac, cam la-oora ra ishet ra qaiỹaxana som ntaxaỹaxaqui, que’eca huetegue’ qalqo’ cam no’onataxanaxaqui maye ishet ra retaqlec huaña que’eca aỹamaxataqa’