Sachoqtac ra maiche qarataxac na qarhuo’ qataq nam aleu’ye neta’a na qompi qolaqtalec ra qaro’onataxanaxac. Qolaqtegueto naua ñeco ỹottegache chegoqchigui ra aỹamaxataxac maye huetegue’ na qarpa’xac qataq na pa’iguelo aleu’ye nataqa’en siviraqhua’alo nauam lta’al paxaguenaxaqui’.
Sanaqchigui ra qanqat re’era ncuennataxac maye salataxac re’era no’onataxanaxac naua no’onataxanqa’te ra qailo’oguet na shiỹaxauapi qataq ra qailo’oguet ra lataxac ‘enauacna chegoqchigui na nacona’t shegaxauapi sauoqtaque ra inmenaxat naua qaraỹajneco ra qaỹapaxaguenataxanec naua Qarataxaco qataq naua Qara’aqtaqa, qailota’a re’era qaica ca qaiỹota’a qataq ye ima’a re’era nataxaguesat.
Ñ’aqtaxanaxagui naua Maiche qaỹajneqa nachera ram seloqta’aguet qataq nache saqta’a cam No’on Aỹamaxaataxac.