Añi qaro’onataxanaxaqui ishet ra saugaqa’aguet na onataxanaxaicpi maye tauo ra ro’onataxaneua’a ana no’onataxanaxaquipi qataq na ilo’oguet na ‘alpi, na shegaxauasat qataq na hualecna qataq na natannaqa’ ra qotaua’a nache qaỹahuota’aisalo naua maiche na’qtaqa, nataxaguesat qataq aỹamaxatac

Ỹo’ot ca qaỹauotaque, ca qalapaxañe qataq ra qanacone’ ne’enapi maye ỹaỹaten ra maiche natannaxac na qompi qataq nache rataiguet ra natannaxac na roqshe. Qataq qailaque ra lataxac ra qailapeguet re’era maye maiche natannaxac na qompi qataq ra qaỹataxanguet ra natannaxac maye souaqtaigui  qarataxac qataq qartaxaỹaxac.

Nataqa’en qaỹapaxaguenataxanec ra qaỹalecna’t ra natannaxanaxac ra yaqto’ ishet ra qailalec que’eca lataxac ra qaica ca ra qataq ra saqanqalaate’ ra qailo’oguet na qompi qataq nache qaipaquelec ra qailota’agueta naua ntenaqa’ate qataq lpaqtaqte ra nataxaguesat qataq naua ntaxaỹaxaco.

Ỹachaxanec re’era nalegaxac qataq na ỹora’at chegoxoguet na shegaxauapi maye nanettauo qataq na saqaỹaỹaten: na ỹachaxan ca naxaỹaxac, qataq na napijnasat qataq na qanaloqnapec.

Rapaxaguenataxanec ra lataxac ra qanmit ra natannaxac na qompi qalaxaye qailo’oguet ra maiche l-loxoc.